Mikið hefur á daga okkar drifið síðastliðna viku.

Skráning í sumarsmiðjur Kamps hefjast á morgun, 15. maí. Frístundamiðstöðin Kampur býður upp á fjölbreyttar smiðjur og viðburði fyrir börn sem hafa lokið 5., 6. og 7. bekk (fædd ´00 –´02) í Miðborg og Hlíðum frá 10. júní - 5. júlí. Auk þess býður frístundamiðstöðin Kampur upp á vikunámskeið í Skapandi smíðum og útivist (SSÚ) fyrir nemendur sem hafa lokið 4., 5., 6., og 7. bekk. (fædd ´00 - ´03)

Hilmarinn, stuttmyndakeppni Kamps hlaut hvatningarverðlaun Skóla- og frístundaráðs sem veitt voru í Ráðhúsi Reykjavíkur mánudaginn 13. maí síðastliðinn. Kampru hlaut einnig hvatningarverðlaunin árið 2012 fyrir tónleikaröðina Drullumall.

Í dag hefst síðasta þema skólaársins og höfum við ákveðið að tengja þemað við útiveru og vorið. Að þessu tilefni höfum við gert nýja dagskrá fyrir báða aldurshópana þar sem er t.d. að finna skipulagða útileiki, tálgun, stutt ferðalög, andlitsmálningu og jóga. Þessa dagskrá má finna á myndum hérna til hliðar eða á vegg í Hellinum og Garðshorni.