Það var vaskur hópur ungmenna sem bauð ættingjum og vinum í heimsókn, síðasta vinnudaginn sinn í sumarvinnunni í Nauthólsvík.

Um var að ræða viðburðarstjórnunarhóp sem starfaði við að auðga mannlífið í hverfinu sínu og kannski sjálfa sig í leiðinni.

Þau undirbjuggu fáránleikakeppni fyrir 10-12 ára í hverfinu sínu, heimsóttu eldri borgara og buðu upp á hnallþórur, kaffi, upplestur og gítarspil. Einnig skipulögðu þau félagsmiðstöðvadagskrá fyrir unglinga. 

Hópurinn átti ógleymanlegar stundir út á sjó, á kajak, á árabátum, við að veiða, stökkva úr togara út í Atlantshafið svo eitthvað sé nefnt. Endilega kíkið á myndirnar af sýningunni og sumrinu! Annar unglingahópur lauk sínu starfi í Nauthólsvík og bauð öllum í súpu og sýndu uppgerð húsgögn sem prýða munu félagsmiðstöðvarnar.  Gleðilegt sumar!!!! Kampsliðið